हाम्रो देश
७ बैशाख २०७८, मङ्गलवार

मोटरसाईकल दुर्घटनामा परेर राष्ट्रिय क्रिकेट खेलाडी भण्डारी घाइते

काठमाडौं । मोटरसाईकल दुर्घटनामा परेर राष्ट्रिय क्रिकेट टिमका सदस्य ललित सिंह भण्डारी घाइते भएका छन् । कञ्चनपुरको झलारी बजारमा भण्डारी सवार मोटरसाईकल लाई मिनी ट्रकले ठक्कर दिएको छ । महेन्द्रनगरबाट झलारीतर्फ जाँदै गरेको भण्डारी सवार म २ प ४७०५ नम्बरको मोटरसाईकल र महेन्द्रनगरतर्फ आईरहेको से १ ख १३२४ नम्बरको मिनि ट्रक आपसमा ठोक्किएको थियो ।

जिल्ला प्रहरी कार्यालय कञ्चनपुरका प्रहरी नायव उपरिक्षक (डिएसपी) अमर थापाकाअनुसार मोटरसाईकलमा भण्डारीसँगै सवार करन ठगुन्ना पनि घाइते भएका छन् । उनीहरुको धनगढीस्थित निसर्ग अस्पतालमा उपचार भइरहेको छ । मोटरसाइकललाई ठक्कर दिने मिनि ट्रकका चालक फरार छन् ।

प्रतिकृया दिनुहोस्