हाम्रो देश
८ बैशाख २०७८, बुधवार

साईप्रसमा एक नेपाली विद्यार्थीद्वारा आत्महत्या

युरोप – साईप्रस, युरोपियन देश साईप्रसमा अध्ययनको सिलसिलामा आएका एक नेपाली विद्यार्थीले आत्महत्या गरेका छन् ।

साईप्रसको राजधानी निकोसिया सहरको सिटीयुनिटि कलेजमा अध्यानरत कस्की जिल्लाको पोखरा वडा न. १४ धर्मस्थली बस्ने २१ बर्षिय रोशन अधिकारीले आत्म हत्या गरेको साईप्रस प्रहरीले जनाएको छ ।

प्रहरीका अनुसार बुधवार मृतक रोशन अधिकारी निकोसिया सहरको ईपामोनोन्दा २ फ्ल्याट स्ट्रोभोलस एरियामा रहेको आफ्नै कोठामा आत्महत्या गरेको रिपोर्टमा उल्लेख गरेको छ ।

गत बर्षको अक्टोबर २०१९ मा आफ्नो बुवाको आँखाको उपचार गर्ने , आमा तरकारी बेच्ने काम बन्द गराउने लगाएत युरोपमा पढेर होटलको म्यनेजर बन्ने सपनाका साथ साईप्रस पढन आएको मृतक रोशनका काकाका छोरा दाजु विकास अधिकारीले बताए ।

अधिकारीका अनुसार रोशनले केही दिन पहिला कलेज गएका र रजिस्ट्रेशनका लागि तर कलेजले पैसा भए मात्रै भर्ना गर्ने र भिषा लगाउने सल्लाह गरेका थिए ।

गैरआवासीय नेपाली सघं साईप्रसका सचिव महासचिव कृप थापाका अनुसार मृतक रोशनले आत्महत्या गरेको हुनाले उनको शवलाई नेपाल पठाउन केही समय लाग्ने भएकोले नेपाली राजदुतावास ईजरायल र नेपाली कन्सुलेट साईप्रस तथा मृतकको परिवारसगं समन्वय भइरहेको जानकारी दिए ।

प्रतिकृया दिनुहोस्