हाम्रो देश
७ माघ २०७७, बुधवार

२ महिनापछि त्रिभुवन विमानस्थलले पायो नेतृत्व, प्रताप बाबु तिवारी नयाँ महाप्रबन्धक

काठमाडौं । त्रिभुवन विमानस्थलले करिब २ महिनापछि नयाँ महाप्रबन्धक पाएको छ । नेपाल नागरिक उड्डयन प्राधिकरणको व्यवस्थापन समितिको बैठकले शुक्रबार प्राधिकरणका उपमहानिर्देशक समेत रहेका प्रतापबाबु तिवारीलाई नयाँ महाप्रबन्धक नियुक्त गरेको हो ।

यसअघि महाप्रबन्धक रहेका केसीको कार्यकाल मंसिर ३ गगे सकिएसँगै विमानस्थल निमित्त नेतृत्वको भरमा चलेको थियो । मंगलबार प्रँधिकरण सञ्चालक समितिको बैठकले त्रिभुवन अन्तर्राष्ट्रिय विमानस्थलको रिक्त महाप्रबन्धक पदमा नयाँ व्यक्तिलाई नियुक्त गर्न व्यवस्थापन समितिलाई अनुमति दिएको थियो ।

नवनियुक्त महाप्रबन्धक तिवारीले आफ्नो कार्य अवधिमा त्रिभुवन अन्तर्राष्ट्रिय विमानस्थलको क्षमता विस्तार र सेवाको स्तरोन्नतिका लागि योगदान गर्ने बताए । ‘हामीसँग सबैभन्दा ठूलो चुनौती स्रोतको हो ।

आवश्यक स्रोतको व्यवस्थापन गरेर क्षमता विस्तार र सेवाको स्तरोन्नति गर्ने नै हो,’ तिवारीले भने, ‘अहिलेको कोभिडको क्राइसिसको समयमा भएको असरलाई न्यूनीकरण गर्दै अघि बढ्ने नै मेरो प्रकुख उद्देश्य हो ।’

प्रतिकृया दिनुहोस्