हाम्रो देश
१३ फाल्गुन २०७७, बिहिवार

अष्टलक्ष्मी शाक्य पक्राउ परेपछि रामकुमारी झाँक्री : हामी मैदानमै छौँ

काठमाडौं : नेकपा प्रचण्ड नेपाल समूहकी नेतृ रामकुमारी झाँक्रीले नेत्री अष्टलक्ष्मी शाक्य पक्राउको चर्को विरोध गरेकी छिन् । शाक्यलगायतलाई कलंकीबाट पक्राउ गरेर महाराजगन्ज गणमा राखिएको छ ।

झाँक्रीले केपी शर्मा ओलीको तानशाहको दिनगन्ती सुरु भएको भन्दै उनी हिँडेको बाटो छिट्टै ढल्ने टिप्पणी गरेकी छिन् ।

उनले भनेकी छिन्, ‘प्रतिगमनविरुद्ध उठौँ र जागौँ, एक धक्का अरू दिऔं । लोकतन्त्रको रक्षा गर्न, संविधानलाई सही ट्रयाकमा ल्याउन, संसद पुनःस्थापनाको लागि छोटो तर अर्थपूर्ण आन्दोलनलाई अझै प्रभावकारी बनाऔ ।’

उनले अष्टलक्ष्मी शाक्य कलंकीबाट पक्राउ गरेपनि उनीप्रति सम्मान व्यक्त गर्दै आफूहरु मैदानमै रहेको र आन्दोलन सफल पारिछाड्ने बताएकी छिन् ।

प्रतिकृया दिनुहोस्