हाम्रो देश
२३ फाल्गुन २०७७, आइतवार

श्री एयरलाइन्सले सुर्खेतमा थाल्यो परीक्षण उडान

सुर्खेत । सोमबारदेखि निजी वायु सेवा कम्पनी श्री एयरलाइन्सले सुर्खेत विमानस्थमा परीक्षण उडान सुरु गरेको छ । सोमबार बिहान एयरलाइन्सको ८० सिट क्षमताको क्युआर–८०० जहाजद्वारा उडान परीक्षण गरेको हो ।

बिहान १० बजेर ३५ मिनेटमा उक्त जहाज धावनमार्गमा अवतरण गरेको नागरिक उड्डयन कार्यालय सुर्खेतका प्रमुख उमेश पन्थीले बताए ।
पाईलट डिएस थापाको नेतृत्वमा जहाज सुर्खेत आएको थियो । अब नियमित उडान गर्दा कतिसम्म लोड बोक्न सकिन्छ भन्ने बारे एयरलाईन्सका प्राविधिकहरुले अध्ययन गर्ने पन्थीले बताए ।

उनका अनुसार २० देखि २२ डिग्रीसेल्सियस टेम्प्रेचरसम्म क्षमता अनुसारको लोड ल्याउन सकिन्छ भनेर पाइलटले जानकारी गराएका छन् ।

श्री एअरलाईन्सका निर्देशक अनिल मानन्धरका अनुसार उक्त क्षमता भएका जहाज अवतरणका लागि रनवे उपयुक्त छ । नियमित उडान गर्नका लागि भने मार्केटको अवस्था पनि अध्ययन गर्नुपर्ने उनले बताए ।

प्रतिकृया दिनुहोस्