हाम्रो देश
९ बैशाख २०७८, बिहिवार

उपत्यकाको आकाश अझै खुलेन, अपराह्नपछि पानी पर्ने सम्भावना

१९ चैत काठमाडौं । काठमाडौं उपत्यकासहितका पहाडी भूभागमा बिहीबार पनि पानी पर्ने सम्भावना रहेको मौसमविदले बताएका छन् । अपराह्नपछि बागमती प्रदेश, गण्डकी प्रदेश र प्रदेश १ का पहाडी भागमा हल्का पानी पर्ने सम्भावना रहेको मौसमविद मञ्जु वासीले बताइन् । शुक्रबारदेखि पुनः पानी पर्ने प्रणाली कमजोर हुने पूर्वानुमान गरिएको उनले बताइन् ।

बुधबार बेलुका काठमाडौं उपत्यकासहितका जिल्लामा पानी परेको थियो । त्यो पानीले वायु प्रदुषण केही हदसम्म कम गर्न सघाए पनि पूर्णरुपमा मौसम सफा भने अझै नभएको मौसमविद वासीले बताइन् । ‘आजबाट मौसम केही सफा भए पनि पूर्णरुपमा आकाश खुल्न अझै केही दिन लाग्छ,’ उनले भनिन् । काठमाडौं उपत्यकाको आकाश विहीबार विहान पनि राम्रोसँग खुलेको छैन । अहिले बदलीको अवस्था छ । तराई मधेसका जिल्लामा भने अझै पनि तुवाँलो कायमै छ ।

प्रतिकृया दिनुहोस्