हाम्रो देश
९ बैशाख २०७८, बिहिवार

नेयमारलाई रातो कार्ड

काठमाडौं ।     ब्राजिलियन फुटबल स्टार नेयमारले रातो कार्ड खाएका छन् । फ्रेन्च लिग वान फुटबलमा डिफेन्डिङ च्याम्पियन पेरिस सेन्ट जर्मेन पीएसजीका खेलाडी नेयमारले रातो कार्ड खाएका हुन् ।

खेलको ९० औं मिनेटमा नेयमार दोहोरो पहेलो कार्डसहित रातो कार्ड पाएर मैदानबाट बाहिरिएका थिए । यो खेलमा पीएसजी पराजित भएको छ ।

शनिबार राति भएको खेलमा पीएसजी लिलसँग १–० गोल अन्तरले पराजित भएको हो । पीएसजीको मैदानमा लिललाई जित दिलाउन जोनाथन डेभिडले गोल गरे ।

जितसँगै लिल ३१ खेलमा ६६ अंकसहित शर्षि स्थानमा छ । दोस्रो स्थानको पीएसजीको ३१ खेलमा ६३ अंक छ । मोनाको ३१ खेलबाट ६२ अंकसहित तेस्रो र लियोँ ३१ खेलबाट ६१ अंकसहित चौथो स्थानमा छ ।

यी चार टिमहरु नै शीर्ष चारमा रहने र यीमध्येबाटै एकले उपाधि जित्ने पक्का छ ।

पाँचौं स्थानको लेन्सको ३१ खेलबाट ४९ अंक मात्रै छ ।

प्रतिकृया दिनुहोस्