सेञ्चुरी बैंकको नाफा ११७ प्रतिशतले बढ्यो

२०७९ श्रावण २१, शनिबार २०:१३ बजे

काठमाडौं । सेञ्चुरी बैंकको नाफा ११७.७४ प्रतिशतले बढेको छ । बैंकले २०७८ असार मसान्तको तुलनामा २०७९ असार मसान्तमा आफ्नो नाफामा ६२ करोडबाट बढाएर एक अर्ब ३५ करोड रुपैयाँ पुर्याएको हो ।

बैंकको प्रति सेयर अम्दानी(इपीएस) ६.९७ रुपैयाबाट बढेर १४.२१ रुपैयाँ पुगेको छ । ९ अर्ब ५५ करोड चुक्ता पुँजी रहेको बैंकको जगेडा कोषमा एक अर्ब ७२ करोड रुपैयाँ छ । बैंकले गत आवमा ९१ करोड रुपैयाँ वितरण योग्य नाफा आर्जन गरेको छ । जसबाट लगानीकर्तालाई ९.५२ प्रतिशत लाभांश दिन सक्छ ।

सेञ्चुरीले गत आवमा ९८ अर्ब रुपैयाँ निक्षेप संकलन गरेर ८८ अर्ब रुपैयाँ कर्जा लगानी गरेको थियो । बैंकको स्प्रेड दर ४.०३ प्रतिशत कायम रहेको छ । बैंकको पीई रेसियो १२.८८ रहेको छ । बैंकको प्रति सेयर नेटवर्थ भने १२७.६४ रुपैयाँ रहेको छ ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार