२५ जिल्लाका ४४ मतदान स्थलमा झडप, १५ ठाउँमा हवाई फायर

२०७९ मंसिर ४, आईतवार १५:१६ बजे

काठमाडौँ : प्रतिनिधिसभा तथा प्रदेशसभाका नयाँ सदस्य चुन्न आइतबार देशभरि मतदान भइरहेको छ। बिहान ७ बजेदेखि सुरू भएको मतदान बेलुकी ५ बजेसम्म जारी रहनेछ। निर्वाचन आयोगले जारी गरेको सूचनाअनुसार दिउँसो पौने १ बजेसम्म देशभरि ३२ प्रतिशत मतदान भएको छ। केही स्थानमा भने झडप हुँदा समयमै मतदान सुरू हुन सकेको छैन।

नेपाल प्रहरीका अनुसार आइतबार दिउँसो १ बजेसम्ममा २५ जिल्लाका ४४ मतदान स्थलमा झडपका कारण मतदान स्थगित भएको छ। ’४४ स्थानमा मतदान स्थगित भए पनि ३१ स्थलमा पुन: सञ्चालन भइसकेको छ। १५ ठाउँमा हवाई फायर गरेर स्थिति नियन्त्रणमा लिइएको छ,’ प्रहरी प्रवक्ता टेकप्रसाद राईले भने।

१३ मतदान स्थलमा भने मतदान सुरू हुन नसकेको प्रवक्ता राईले जानकारी दिए। प्रतिनिधि सभाका लागि १६५ निर्वाचन क्षेत्र र प्रदेशसभाका लागि ३३० निर्वाचन क्षेत्रमा प्रत्यक्ष चुनाव हुँदैछ। चुनावमा १ करोड ७९ लाख ८८ हजार ५ सय ७० मतदाताले भाग लिँदै छन्। मतदान गर्न १० हजार ८ सय ९२ मतदान स्थलमा २२ हजार २ सय २७ मतदान केन्द्र निर्माण गरिएको निर्वाचन आयोगले जनाएको छ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार