‘सन्दीप बचाउ अभियान’ले निकाल्यो विज्ञप्ति

२०७९ आश्विन ६, बिहीबार १२:४६ बजे

काठमाडौं : क्रिकेटर सन्दीप लामिछानेको पक्षमा आवाज उठाइरहेको सन्दीप बचाउ अभियानले आज एक अपील जारी गर्दै सञ्चारमाध्यममा आइरहेका घटना विवरणमा सत्यता नरहेको दाबी गरेको छ । अभियानले सन्दीप र किशोरी दुवैका परिवारलाई वार्तामा राखेर घटनाको सफल अवतरण गर्न सरकारसँग अनुरोधसमेत गरेको छ ।

अभियानका संयोजक मनिष सापकोटाले आज एक विज्ञप्ति जारी गर्दै सो अनुरोध गरेका हुन् । कानून र विधिलाई सबैले सम्मान गर्नैपर्ने भन्दै विज्ञप्तिमा घटनाको समाधानतर्फ आफूहरुले अग्रसरता लिएको उल्लेख छ ।

‘यही घटनाका आधारमा बाहिर आएको विवरणलाई नजिर मान्ने हो भने नेपालका जेलहरु भरिन सक्छन्,’ विज्ञप्तिमा भनिएको छ, ‘समाजको संरचना नै बिग्रेर अराजकता र विद्रोहतिर समाज र युवा परिचालित हुन्छन् ।’

अभियानले नेपाल सरकारलाई यस घटनाको मध्यस्थता गर्दै सबै पार्टीका युवा नेता र राज्य संयन्त्रलाई परिचालित गराई दुवै परिवारलाई वार्तामा राख्न अनुरोध गरेको छ । ‘यसले युवा, खेलक्षेत्र र अन्तर्राष्ट्रिय रुपमा नेपालकै गरीमा बढाई आगामी दिनमा यस्ता घटनाहरु दोहोरिन नदिन मद्दत पनि गर्छ,’ विज्ञप्तिमा भनिएको छ ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार