थाइल्यान्डका प्रधानमन्त्री प्रयुथले राजनीतिबाट सन्यास लिने

२०८० असार २७, बुधबार

बैंकक : थाइल्याण्डका प्रधानमन्त्री प्रयुथ चान-ओ-चाले पुनः निर्वाचनमा भाग नलिने र राजनीतिबाट सन्यास लिने निर्णय गरेका छन्। उनको पार्टीले जारी गरेको विज्ञप्तिलाई उद्धृत गर्दै अन्तर्राष्ट्रिय सञ्चारमाध्यमले सो जानकारी दिएका हुन्। थाइल्याण्डको संसदले मे महिनामा भएकाे चुनाव पछि नयाँ प्रधानमन्त्री चयन गर्ने प्रकियामा जानु दुई दिन अघि यो घोषणा आएको हो। धेरै थाई नागरिकहरूले सरकारलाई सैन्य समर्थन अस्वीकार गर्दै आएका छन्।

प्रयुथ (६९ वर्ष) सन् २०१४ मा सैनिक कूपछि थाइल्यान्डको प्रधानमन्त्रीकाे जिम्मेवारी सम्हाल्दै आएका छन्। सीएनएनका अनुसार उनको पार्टीको गठबन्धनले २०१९ को चुनावमा सबैभन्दा बढी सिट जित्न सफल भएकाे थियो। त्यसपछि उनी सिनेटको समर्थनमा प्नधानमन्त्रीमा निर्वाचित भएका थिए।

साे ‘कू’ पछि थाइल्याण्डमा प्रभुत्व जमाउने थाइल्याण्डको सेना समर्थित अभिजात वर्गलाई मेको आम चुनावमा मतदाताहरूले नराम्राेसँग चाेट दिएका थिए, जसले देशमा चलिरहेको रूढीवादी गुटहरूप्रति वर्षौंदेखि बढ्दो असन्तुष्टिको अन्त्य गर्‍यो।

लिबरल मुभ फर्वार्ड पार्टीले सबैभन्दा बढी सिट जित्यो र जनमतको बहुमत हासिल गर्‍याे। यस पार्टीले आफ्नो सुधारवादी कदम चालेको कारणले गर्दा थाई युवाहरूले यो पार्टीलाई पछ्याएका छन् । सीएनएनका अनुसार दोस्रो स्थानमा थाइल्यान्डको प्रमुख विपक्षी पार्टी फेउ थाई गएको छ।

नयाँ सरकार नबनेसम्म प्रयुथ प्रधानमन्त्रीको पदमा उनी रहनेछन्। बढ्दो अधिनायकवाद र असमानताले सैन्य विद्रोहको नेतृत्व गरेपछि पूर्व जनरलको प्रधानमन्त्रीको कार्यकाललाई नाेक्सान हुन पुगेकाे थियाे। २०२० मा प्रयुथलाई हटाउन माग गर्दै युवाहरूले राष्ट्रव्यापी विरोध प्रदर्शन गरेका थिए, जसमा लाखाै सडकमा देखिएका थिए।

यो खबर पढेर तपाईलाई कस्तो महसुस भयो
+1
0
+1
0
+1
0
+1
0
+1
0
+1
0

ताजा समाचार