दुबईबाट काठमाडौं आउँदै गरेको नेपाल एयरलाइन्सको जहाज डोल्पा पुग्यो

२०८० आश्विन १३, शनिबार

काठमाडौं । नेपाल एयरलाइन्सको काठमाडौंस्थित त्रिभुवन विमानस्थलमा अवतरण गर्नुपर्ने जहाज डोल्पाको सीमा हुँदै बाग्लुङतिर पुगेपछि सो जहाजमा यात्रा गर्ने यात्रुका आफन्तहरु झस्किएका छन् । अझ नेपाल एयरलाइन्सको जहाज ३३ हजार फिटको उचाई कायम गर्दै हिमाल छेउतिर पुगेपछि भने सो जहाज नियालिरहेकाहरु अचम्ममा परेका छन् ।

नेपाल एयरलाइन्सको आरए २३० उडान नं को एयरबस ए–३२० जहाज (न्यारोबडी) नेपालगन्जबाट नेपालतर्फ भित्रिएको थियो । उचाई थियो ३३ हजार । काठमाडौंमा अवतरण गर्न बारामाथिको आकाशमा पुगेर एप्रोच लिनुपर्ने जहाज लगातार उत्तरतर्फ सोझिँदै गएको थियो । उचाई ३३ हजार कायम गरेर रन्मामैकोट पुगेपछि बल्ल तलतिर झरेको थियो ।

हाल सो जहाज भरतपुर हुँदै काठमाडौंमा अवतरण गरिसकेको छ । काठमाडौं आउनुपर्ने जहाज डोल्पाको सीमामा पुगेर पूर्वी रुकुम, म्याग्दी, बाग्लुङ हुँदै स्याङ्जातर्फ झरेर चितवनको भरतपुर विमानस्थलमाथि आईपुग्दा २५ हजार फिटको उचाई कायम गर्दै अघि बढेको थियो ।

त्रिभुवन विमानस्थलमा रहेको टिडिओले उक्त जहाजमा कुनै प्राविधिक समस्या नरहेको र पोखरा रुटमा रहेर काठमाडौंमा अवतरण गर्न लागेको जनाएको छ ।

यो खबर पढेर तपाईलाई कस्तो महसुस भयो
+1
34
+1
4
+1
4
+1
2
+1
7
+1
7

ताजा समाचार