काठमाडौं : जुम बैठक चलिरहँदा महिला कर्मचारीलाई तानेर अश्लील हर्कत गर्ने चितवन रामपुरको कृषि तथा वन विश्वविद्यालयको कृषि संकायका डीन जयप्रकाश दत्तलाई निलम्बन गरिएको छ । महिला कर्मचारीलाई दुव्र्यवहार गरेको भिडिओ सार्वजनिक भएपछि डीन दत्तलाई आज निलम्बन गरेको कृषि तथा वन विश्वविद्यालयका उपकुलपति पुन्य प्रसाद रेग्मीले बताए ।

आज बसेको बैठकले दत्तलाई निलम्बन गरेको उनले बताए । यस विषयमा छानविन गर्नका छानविन समिति गठन गरिएको छ । उनले भने,‘ हामीले छानविन समिति गठन गरेका छौं । छानविन नसकुन्जेल सम्मका लागि निलम्बन गरेको हो । त्यसपछि छानविन समितिले दिएको प्रतिवेदनपछि थप कारबाही अघि बढाउँछौं ।’ समितिले ४ दिन भित्रमा प्रतिवेदन पेश गर्नेछ ।