एम्बाप्पेको पाँच गोलमा पीएसजीको जित

२०७९ माघ १०, मंगलवार १०:१६ बजे

एजेन्सी : एम्बाप्पे एक्लैले पाँच गोल गर्दा पेरिस सेन्ट जर्मेन (पीएसजी) फ्रेन्च कप फुटबलको अन्तिम १६ मा प्रवेश गरेको छ । सोमबार राति छैटौं श्रेणीको पाएस डी कासेललाई ७–० गोल अन्तरले हराउँदै पीएसजी अन्तिम १६ मा पुगेको हो ।

पीएसजीको जितमा केलियन एमबाप्पे एक्लैले ५ गोल गरे । त्यस्तै नेयमार र कार्लाेस सोलेरले एक–एक गोल गरे । पीएसजीका लागि एम्बाप्पेले खेलको २९ औं मिनेटमा गोल गर्दै अग्रता दिलाएका थिए । खेलको नेयमारले ३३ औं मिनेटमा नेयमारले गोल गर्दै पीएसजीको अग्रता दोब्बर बनाए । एम्बाप्पले खेलको ३४ औं मिनेटमा व्यक्तिगत दोस्रो गोल गर्दै पीएसजीको अग्रता ३–० को बनाए ।

खेलको ४० औं मिनेटमा गोल गर्दै एम्बाप्पेले ह्याट्रिक पूरा गरेका थिए । एमबाप्पेले खेलको ५६ औं मिनेटमा गोल गर्दै पीएसजीलाई ५–० गोलको अग्रता दिलाए । कार्लोस सोलेरले ६४ औं मिनेटमा गोल गर्दै टिमलाई ६–० गोलको अग्रता दिलाए । खेलको ७९ औं मिनेटमा एम्बाप्पेले थप एक गोल गर्दै टिमलाई ७–० गोलको जित दिलाए ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार