हाम्रो देश
१४ असार २०७९, मङ्गलवार

१२ वर्ष अघि लिएको परीक्षाको नतिजा आज बल्ल सार्वजनिक !

काठमाडौं । अचम्म छ– एउटा सरकारी कार्यालयमा जागिर खानका लागि प्रतिस्पर्धामा भाग लिएका उम्मेद्धारहरुले आफ्नो परीक्षाको नतिजा थाहा पाउन १२ वर्ष कुर्नुपर्यो ।यो दृश्य नेपालकै एउटा सरकारी संस्थाको हो ।

जस्ले १२ बर्ष अघि लिएको परीक्षाको नतिजा आज आइतबार बल्ल १२ बर्ष पछि सार्वजनिक गरेको छ ।संस्थाको नाम हो, नेपाल खानेपानी संस्थान । २०६६ सालमा लिएको अन्तरवार्ताको नतिजा आइतबार सार्वजनिक गरेको हो । संस्थानले ५६ जना कार्यालय सहयोगीका लागि १२ बर्ष अघि विज्ञापन गरेको थियो ।

जसमा १ सय ७४ जनामध्ये योग्यताक्रमको आधारमा छनोट भएकालाई स्थायी नियुक्तिका लागि सिफारिस गरिएको पदपूर्ति समितिले जनाएको छ ।खानेपानी संस्थाले निकालेको विज्ञापन प्रक्रिया चल्दै गर्दा बीचमा मुद्दा मामिला परेपछि रोकिएको प्रक्रियालाई सर्वोच्च अदालतले प्रक्रिया अगाडि बढाउन आदेश दिएपछि संस्थानले पुनः प्रक्रिया अघि बढाएको थियो ।

यसबीचमा सर्वोच्चले अन्य पदको लागि पदपूर्ति गर्न पहिल्यै आदेश दिएको भएपनि कार्यालय सहयोगी नियुक्तिको हकमा भने आदेश दिन बाँकी थियो ।सर्वाेच्चले आदेश आएपछि २०७७ मंसिर ९ देखि २९ गतेसम्म अन्तरवार्ता सञ्चालन गरी २०७८ बैशाख ४ गते परीक्षाको नतिजा सार्वजनिक गरिएको हो ।

सोहीअनुसार गोरखापत्र दैनिकमा बैशाख ५ गते आइतबार संस्थानले सीमित र खुल्लातर्फ गरी ५६ जनालाइपदपूर्तिका लागि सिफारिस गरिएको सूचना प्रकाशित गरेको छ । प्रकाशित सूचनाअनुसार खानेपानी संस्थानले स्थायी नियुक्तिको लागि कर्मचारीको नाम सिफारिस गरेको छ ।