हाम्रो देश
६ माघ २०७७, मङ्गलवार

भाजपा नेतृत्वको गठबन्धन ३४३ सिटमा अगाडि, कांग्रेस कमजोर

भारतको लोकसभा निर्वाचनको मतगणना जारी छ । अहिलेसम्मको मतगणना अनुसार भारतीय जनता पार्टीको नेतृत्वमा रहेको नेसनल डेमोक्रेटिक एलाइन्स (एनडिए) ले स्पष्ट बहुमत ल्याउने देखिएको छ । 
ताजा मतपरिणामअनुसार सत्तारुढ एनडिएले ३४३ स्थानमा अग्रता लिएको छ । भारतीय कांग्रेस नेतृत्वको युनाइटेड प्रोग्रेसिभ एलाइन्स भने कमजोर देखिएको छ, उसले ८८ स्थानमा अग्रता लिएको छ भने अन्य दल १११ स्थानमा अगाडि छन् । 
५४३ सिट रहेको लोकसभामा सरकार गठनका लागि २७२ सिट आवश्यक पर्छ । अहिलेसम्मको मतपरिणामले सरकारमा भाजपा नेता नरेन्द्र मोदीको नेतृत्व दोहोरिने देखाएको छ । 
मतगणना आज रातीसम्ममा सम्पन्न हुने निर्वाचन आयोगले जनाएको छ ।  

प्रतिकृया दिनुहोस्