हाम्रो देश
१४ माघ २०७७, बुधवार

प्रहरीको चरित्र चिरफार गर्दै ‘कप्स’

काठमाडौं : नेपाली फिल्ममा नेपाल प्रहरीको चरित्र नकारात्मक देखाउँदै आएको बेला चलचित्र ‘कप्स’ (सत्य सेवा सुरक्षणम्) मा दर्शकले उनीहरूको चरित्र सकारात्मक देख्न पाउनेछन्। विश्वमा राम्रो प्रहरीको रूपमा नेपाली प्रहरीले बनाएको छवि आफूहरूले यो चलचित्रमा प्रस्तुत गरेको निर्देशक सम्राट सापकोटाले बताए।

प्रहरीले राम्रो काम गरेको भए पनि उनीहरूमाथि जनताको हेराइ र बुझाइ किन नकारात्मक छ भन्ने विषयलाई आफ्नो सिनेमाले चिरफार गर्ने पनि निर्देशक सापकोटाले बताए।

निर्देशक सापकोटाले भने, ‘नेपाल प्रहरी अहिले पनि विश्वमा सक्षम प्रहरी भनेर चिनिएको छ। त्यसैले मेरो चलचित्र कप्सले अपराध नियन्त्रणमा नेपाल प्रहरीको सफलताको कथा प्रस्तुत गरेको छ।’ यस अघि दुई दर्जनभन्दा बढी चलचित्रमा अभिनय गरेका सम्राटले चलचित्र कप्सबाट निर्देशनमा हात हालेका हुन्।

१७ जेठबाट देशव्यापी रिलिज हुने यो चलचित्रमा प्रहरी नायब उपरीक्षकका रूपमा अभिनेता अनुपविक्रम शाहीलाई उतारिएको छ।

यसअघि प्रायः खलचरित्रमा उत्रने गरेको अनुपलाई कप्समा एउटा सक्षम र देशभक्त प्रहरीको रूपमा प्रस्तुत गरिएको पनि निर्देशक सापकोटाले बताए। कप्समा अनुपविक्रमसँगै सन्दीपा लिम्बू, अमित गिरी, रामराज क्षेत्री, अनुपमा भण्डारी, निरुता स्याङ्तान, रोशन सुवेदी, सुन्दर श्रेष्ठलगायतको मुख्य भूमिका रहेको छ।

राम शाक्यले निर्माण गरेको यो फिल्ममा सुसन प्रजापतिको छायांकन, विपिन मल्लको सम्पादन, स्वयम्भूराज शाक्यको संगीत छ

प्रतिकृया दिनुहोस्