हाम्रो देश
१० जेष्ठ २०७९, मङ्गलवार

हृदयघात भइ फुटबल मैदानमै ढलेका रेफ्रीको मृत्यु

एजेन्सी । दक्षिण अमेरिकी राष्ट्र बोलिभियाको ए डिभिजन फुटबल खेलको क्रममा रेफ्रीको मृत्यु भएको छ ।

आइतबार भएको खेलमा ३१ वर्षिय रेफ्री भिक्टर ह्युगो हर्टाडो खेलको क्रममा हृदयघात भइ मैदानमा ढलेका थिए । ए डिभिजन क्लब अल्वेज रेडी र ओरियेन्टो पेट्रोलेरो बिचको खेलमा ढलेका उनलाई त्यहाँ उपलब्ध मेडिकल स्टाफले प्राथमिक उपचार गरि थप उचारको लागि एम्बुलेन्सको सहयोगमा अस्पताल लगेको बताइन्छ ।

अस्पताल पुगको उनलाई दोश्रो हृदयघात भएपछि उनको मृत्यु भएको अस्पतालका चिकित्सकले बताएका छन् ।

३१ वर्षका रेफ्रीलाई यस्तो खतरनाक हृदयघात हुनुको कारण अहिलेसम्म खुलेको छैन । तथापी उचाईंमा रहेको अल्वेज रेडीको मैदान यसको कारण हुन सक्ने आँकनल गरिएको छ । उक्त मैदान समुद्री सतहबाट १३ हजार फिट भन्दा माथी रहेको छ ।

रेफ्री भिक्टरलाई अस्पताल पठाएपछि पुनः शुरु गरिएको खेलमा अल्वेज रेडीले आरियेन्टोलाई ५–० गोलले हराएको थियो ।