काठमाडौँ : बर्दियामा बुहारि कुटेको आरोपमा ससुरा पक्राउ परेका छन्। बर्दिया बारबर्दिया नगरपालिका वडा नम्बर ११ बिजयनगर बस्ने ५३ वर्षिय भरथरी चौधरीलाइ प्रहरीले बिहिबार पक्राउ गरेको हो।

उनले मादक पदार्थ सेवन गरी आफ्नै बुहारी २५ वर्षिया प्रमिला चौधरीलाई कुटपिट गरेका थिए। उनले घरबाट कुटपिट गर्दै निकालेर सडकमा समेत ल्याएर कुटपिट गरेको भिडियो सामाजिक संजालमा समेत भाइरल भएको थियो। सोही आधारमा प्रहरी चौकी कर्तनियाघाट बर्दियाबाट खटिएको प्रहरी टोलीले उनलाइ पक्राउ गरी थप अनुसन्धान गरिरहेको छ।

उनलाई सार्वजनिक हित तथा नैतिकता विरुद्धको कसुर मुद्दामा जिल्ला प्रशासन कार्यालय बर्दियाबाट म्याद लिई थप अनुसन्धान तथा कानुन बमोजिम आवश्यक कारवाही अगाडी बढाइएको प्रहरीले बताएको छ।