कांग्रेसले रवि लामिछानेको नाम नै किटानी गर्नुपर्छ भनेपछि मिलेन कार्यदलमा कुरा

२०८१ जेष्ठ ६, आईतवार

काठमाडौँ : सहकारी ठगीसम्बन्धी संसदीय छानबिन समिति बनाउनेबारे टीओआर तय गर्न बसेको कार्यदलको बैठक निष्कर्षविहीन बनेको छ। सिंहदरबारमा आइतबार दिनभर बसेको कार्यदलको बैठकमा गृहमन्त्री रवि लामिछानेको विषय कसरी समेट्ने भन्नेबारे सहमति जुट्न नसकेपछि निष्कर्षविहीन बनेको हो।

बैठकपछि कार्यदलका सदस्य महेश बर्तौलाले प्रमुख प्रतिपक्ष नेपाली कांग्रेसले संसदीय छानबिन समितिमा उपप्रधान एवं गृहमन्त्रीको नाम नै किट्नपर्छ भनेपछि सहमति नभएको जानकारी दिए।

उनले भने, ‘प्रमुख प्रतिपक्ष नेपाली कांग्रेसले उपप्रधान एवं गृहमन्त्रीको नाम नै किट्नुपर्छ भन्नुभयो। समितिले छानबिन गर्नु अगाडि नै नाम किट्न मिल्दैन, यसले गलत नजिर बस्छ। संसदीय छानबिन समितिले एक व्यक्तिमाथि मात्र छानबिन गर्न मिल्दैन।’

यो खबर पढेर तपाईलाई कस्तो महसुस भयो
+1
0
+1
0
+1
0
+1
0
+1
0
+1
0

ताजा समाचार