सर्लाही : सर्लाहीको बरहथवा नगरपालिका वडा नम्बर १२ लौकठमा एकजना महिलाको शव फेला परेको छ। जिल्ला प्रहरी कार्यालय सर्लाहीका अनुसार हत्या गरेर फालेको अवस्थामा ती महिलाको शव फेला परेको हो। उक्त शव स्थानीय शङ्कर महतोकी श्रीमती ३५ वर्षीया लिलावती देवी महतोको रहेको छ ।
प्रहरीका अनुसार घरबाट करिब डेढ किलोमिटर टाढा खेतमा उनको हत्या गरेको अवस्थामा शव बरामद भएको हो। मृतक महिलाका श्रीमान् शंकर र उनकी कान्छी श्रीमती सजनीदेवी महतोलाई नियन्त्रणमा लिइएको छ ।
मृतक महिलाको घाँटी र अनुहारमा निलडाम देखिएको हुँदा श्रीमान् र सौतेनी श्रीमतिले नै हत्या गरेको हुन सक्ने भन्दै उनीहरुलाई पक्राउ गरिएको र घटनाबारे थप अनुसन्धान भइरहेको प्रवक्ता श्रेष्ठले बताए।
यो खबर पढेर तपाईलाई कस्तो महसुस भयो
+1
+1
+1
+1
+1
+1
