काठमाडौँ : नेकपा एमालेका पोलिटब्युरो सदस्य महेश बस्नेतले शनिबार काठमाडौँमा पार्टीको कार्यक्रममा ६० हजार मान्छे उतार्ने दाबी गरेका छन्। पार्टीको नेसनल भोलेन्टियर फोर्सको घोषणा सभालाई सम्बोधन गर्दै ६० हजार मान्छे भोलिको कार्यक्रममा सहभागी हुने बताएका हुन्।
उनले भोलिको प्रदर्शन हुने विश्वास आजैको र्यालीले देखाइसकेको बताए। ‘भोलि ११ बजे भृकुटीमण्डपमा हामी भला हुन्छौँ। त्यहाँ ६० हजारभन्दा धेरै जम्मा भएर सभा गर्दैछौँ,’ उनले भने, ‘सुशीला आमालाई राजनीतिक जीवनबाट टाटा बाइ बाइ गराएर उहाँलाई छोराछोरीसँग बेलायत जानुपर्ने बनाइदिन्छौँ।’
उनले राजनीति दल र नेताहरूले गर्ने भन्दै प्रधानमन्त्री सुशीला कार्कीले दुई तिन दिनभित्र राजीनामा दिने दाबी गरे। उनले काठमाडौं महानगरका मेयर बालेन शाहले स्टाटस लेखेर देशलाई सङ्कटमा पुर्याउन खोजे पनि अब नेसनल भोलेन्टियर फोर्सले रक्षा गर्ने बताए।
एमालेले शनिबार काठमाडौँमा शक्ति प्रदर्शन गर्दैछ।
