म्याग्दी : बेनी नगरपालिका–३ भकिम्लिका ४१ वर्षीय कविराम घर्तीलाई आफ्नै छोराले धारिलो हतियार प्रहार गर्दा घाइते भएका छन् ।
शुक्रवार बिहान २२ वर्षीय छोरा मिलन घर्तीले धारिलो हतियार प्रहार गर्दा कविरामको घाँटी र ढाडमा गम्भीर चोट लागेको बेनी अस्पतालले जनाएको जिल्ला प्रहरी कार्यालय म्याग्दीका प्रहरी निरीक्षक राजन रायमाझीले जानकारी दिए । उनका अनुसार गम्भीर घाइते अवस्थामा रहेका कविरामको उपचार बेनी अस्पतालमा सम्भव नहुने भनिएपछि थप उपचारका लागि पोखरा रिफर गरिएको छ ।
हतियार प्रहार गर्ने मिलन घर्तीलाई जिल्ला प्रहरी कार्यालय म्याग्दीको टोलीले नियन्त्रणमा लिएर अनुसन्धान अगाडी बढाएको प्रहरीले जनाएको छ ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
