मेष : आफूलाई कमजोर भएको अनुभूति हुनेछ। जे काम गर्नुहुन्छ होसियारीपूर्वक गर्नुहोला। राज्यबाट दण्ड तथा जरिवाना हुन सक्छ। यात्रा गर्दा पनि सावधानी अपनाउनुपर्नेछ। सामान हराउने वा चोरी हुने डर छ।
वृष : धार्मिक तथा सांस्कृतिक सभासमारोहमा सरिक हुने सम्भावना छ। विद्या तथा प्रतिस्पर्धामा सफल भइनेछ। व्यवसायका लागि यात्राको सम्भावना छ। शैक्षिक क्षेत्रमा सफलता मिल्नेछ। आतिथ्यपूर्ण सम्मान पाइएला।
मिथुन : रोकिएका काम पुनः सुरु हुन सक्छन्। आफ्नो क्षेत्रमा प्रभुत्व जमाउन सकिनेछ। आम्दानीभन्दा बढी खर्च हुनेछ। धर्मकर्म तथा समाजसेवामा मन लाग्नेछ। भौतिक सुविधाका साधन खरिद गर्ने अवसर जुर्नेछ।
कर्कट : अधिकार प्राप्तिका लागि गरिएको प्रतिस्पर्धामा विजयी भइनेछ। धार्मिक तथा समाजसेवामा मन लाग्नेछ। आँटेको र ताकेको कार्य पूरा होला। प्रेम र मित्रताको बन्धन कसिनुका साथै दाम्पत्य सुखमा रमाउने समय छ।
सिंह : आफूलाई कमजोर भएको अनुभूति हुनेछ। केही कुराले गर्दा मनमा अशान्ति र छटपटी व्याप्त हुन सक्छ। शरीरमा स्फूर्ति र उमङ्गको कमी हुनेछ। बोलीको विपरीत अर्थ लाग्न सक्छ। नयाँ कार्यको योजना बन्नेछ।
कन्या : सुन्दर पहिरनले व्यक्तित्वमा निखार ल्याउनेछ। प्रेम सम्बन्धमा मधुरता छाउनेछ। न्यायिक तथा राजनीतिक कार्यमा सफलता मिल्नेछ। सामान्य स्वास्थ्य समस्याले सताउन सक्छ।
तुला : एकपछि अर्को अवसर आउनाले मन प्रसन्न रहनेछ। मित्रजनको साथले उल्लेख्य कार्य सम्पादन हुनेछ। रोकिएका काम सम्पादन हुने र नयाँ काम पाइने योग छ। आम्दानी बढ्ने र उठ्नुपर्ने रकम हातलागी हुने समय छ।
वृश्चिक : दिन हाँसखेल र मनोरञ्जनपूर्ण रहनेछ। मनमा उत्साहका साथै बोली बिक्ने समय छ। स्थानान्तरण र टाढाको यात्राको सम्भावना छ। वैदेशिक कार्य अघि बढ्नेछ। प्रेम जीवन सुखद र समृद्ध बन्नेछ।
धनु : दिन त्यति राम्रो देखिँदैन। विचार पुर्याएर निर्णय लिनु राम्रो होला। आफूलाई कमजोर भएको अनुभूति हुनेछ। पढाइलेखाइमा ध्यान दिन नसकिएला। दिनको उत्तरार्धमा मनपर्ने व्यक्तिसँगको भेटघाटले भने ऊर्जा थप्नेछ।
मकर : स्वादिष्ट भोजन पाइनेछ। अधुरो काम बन्नाले मन प्रसन्न हुनेछ। शुभचिन्तकबाट पूर्ण समर्थन पाइनेछ। ठूला व्यक्तिले तपाईँको मेहनतको कदर गर्नेछन्। तर, विश्वासपात्रलाई वचन दिँदा भने संयमता अपनाउनुहोला।
कुम्भ : कुनै न कुनै कुराले मन प्रसन्न हुनेछ। काम गर्ने जोसजाँगर बढ्नेछ। व्यावसायिक काममा राम्रै फड्को मार्न सकिनेछ। वैदेशिक क्षेत्रको लगानी लाभदायक हुनेछ। विपरीत वर्गप्रति आकर्षण बढ्नेछ।
मीन : मन्दिर दर्शनको योजना बन्नेछ। लामो समयदेखि रोकिएका काम पूरा हुनेछन्। विवेकको प्रयोग गर्न सके आजको दिनलाई सकारात्मक बनाउन सकिनेछ। नजिकका व्यक्तिको सहयोगबाट अधुरा कार्यले गति लिनेछ।
