काठमाडौं : अविरल वर्षाका कारण आएको पहिरोले बेनी–जोमसोम सडक अवरुद्ध भएको छ । मुस्ताङमा शनिबार परेको वर्षाले घाँसा–जोमसोम सडक खण्डको कैकु र लेते क्षेत्रको सडक आइतबारदेखि अवरुद्ध भएको हो ।
थासाङ गाउँपालिकाको लेते खोलामा सडक अवरुद्ध भएको प्रहरीले जनाएको छ । यस्तै, थासाङ गाउँपालिकाकै कैकु खेलामा रहेको डाइभर्सन बाढीले बगाएको छ । बाढीले डाइभर्सन बगाउँदा घाँसा–जोमसोम सडक खण्डमा सवारी सञ्चालन हुन सकेको छैन ।
यसैगरि बेनी–जोमसोम–कोरला कालिगण्डकी करीडोर सडक आयोजना अन्तर्गतको रघुगंगा गाउँपालिका–३ बैसरीमा सडक माथिबाट आएको पहिरोले गर्दा सडक अवरुद्ध भएको छ । सडक मर्मत गरेर सञ्चालनको प्रयास गरिएको भएपनि लेदो सहितको पहिरो झरिरहेको रघुगंगा गाउँपालिकाले जनाएको छ ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
