उनले देश फेरि निर्वाचनमा नजाओस् भन्ने चाहेर नयाँ समीकरणमा सहभागी भएको बताए । प्रचण्डसँग ४० र ओलीसँग ५० वर्षको सम्बन्ध रहेको बताउँदै पुराना कुरा बिर्सेर नयाँ ठाउँमा जाने तयार भएको बताए ।उनले भने, ‘तत्कालीन एमाले बहुमतको अवस्थामा पुग्यो। माओवादीसहित झण्डै दुई तिहाइको अवस्थामा पुगेको थियो । हामीले ०७४ सालमा ल्याएको सीट अहिले तीनवटा पार्टीको सीट पुग्दैन । ०७४ सालमा जनताले भोट दिए ०७९ मा किन दिएनन् ? त्यो प्रत्येक पार्टीले तुलना गर्नुपर्छ। कहाँ भयो त्रृटी ? कहाँ भयो कमजोरी ? झण्डै दुई तिहाइ भएको बेलामा सरकार गठन गरेको बेलामा हामीले राम्रो काम गर्यौं कि गरेनौं । पार्टी कसरी चलायौं यी कुराहरु पनि समीक्षा गर्नुपर्ने विषय छँदैछ ।’