काठमाडौं : काठमाडौंको नागार्जुनमा भएको दुर्घटनामा नेपाली सेनाका सिपाहीको मृत्यु भएको छ।
मंगलबार बेलुका सवा ८ बजे नागार्जुन नगरपालिका–८ फस्कुमा दुईवटा मोटरसाइकल ठोक्किएर भएको दुर्घटनामा २५ वर्षीय भीमराज तामाङको मृत्यु भएको हो।
सीतापाइलाबाट रामकोट जाँदै गरेको बा प्र ०२–०५४ प ०५५७ नम्बरको मोटरसाइकल र विपरीत दिशाबाट आउँदै गरेको बा प्र ०२– ००३ प ६७१६ नम्बरको मोटरसाइकल दुर्घटनामा परेको हो। तामाङ बा प्र ०२–०५४ प ०५५७ नम्बरको मोटरसाइकलमा सवार थिए। उपचारका लागि मनमोहन अस्पताल लगिएका उनको त्यहाँ मृत्यु भएको हो।
अर्को मोटरसाइकलका चालक सर्लाही घर भएका २२ वर्षीय युवराज ठाकुर सामान्य घाइते छन्।
यो खबर पढेर तपाईलाई कस्तो महसुस भयो
+1
+1
+1
+1
+1
+1
