काठमाडौँ : राष्ट्रिय स्वतन्त्र पार्टी (रास्वपा)का सभापति रवि लामिछानेले प्रधानमन्त्री बालेन्द्र शाह संसद बैठकमा उपस्थित हुने दाबी गरेका छन् ।
आज संसद बैठकबाट बाहिरिने क्रममा सञ्चारकर्मीहरूले सोधेको प्रश्नमा लामिछानेले यस्तो जवाफ दिएका हुन् । यद्यपि, प्रधानमन्त्री कहिले उपस्थित हुने भन्नेबारे उनले स्पष्ट खुलाएनन् । लामिछानेले भने, ‘प्रधानमन्त्री आउनुहुन्छ, नआउने भन्ने कुरै छैन । आएपछि तपाईंहरूले थाहा पाइहाल्नुहुन्छ ।’
प्रधानमन्त्रीको अनुपस्थितिले तपाईंलाई दबाब परेको हो? भन्ने सञ्चारकर्मीको प्रश्नलाई उनले अस्वीकार गरे। “मलाई कुनै कुराको दबाब छैन। म दबाब लिने मान्छे नै होइन,” लामिछानेले भने, “यो प्रक्रिया र अभ्यासका क्रममा हुँदै जाने कुरा हो, काम महत्त्वपूर्ण हो। सरकारले आफ्नो काम गरिरहेको छ। अहिले मिडियाले हामी सत्तापक्ष वा मलाई भन्दा पनि प्रतिपक्षलाई बढी समय दिनुभयो भने सजिलो हुन्थ्यो।”
