काठमाडौँ : अमेरिकी राष्ट्रपति डोनाल्ड ट्रम्पले इरान र अमेरिकाबीचको वार्ता रोकिएको दाबी गरिएका समाचारहरू झूटो भएको बताएका छन्।

राष्ट्रपति ट्रम्पले मंगलवार राति ढिलो गरी इरान र अमेरिकाबीच लगातार कुराकानी भइरहेको स्पष्ट पारेका हुन्।

आफ्नो सामाजिक सञ्जाल ‘ट्रुथ सोसल’मा एक पोस्ट लेख्दै ट्रम्पले भनेका छन्, ‘केही दिनअघि इरान र अमेरिकाबीचको वार्ता बन्द भएको भन्ने समाचारहरू पूर्णतः गलत हुन्। हाम्राबीच लगातार संवाद भइरहेको छ-चार दिनअघि, तीन दिनअघि, दुई दिनअघि, एक दिनअघि र आज पनि वार्ता भएको छ।’

यसअघि, लेबनानमा भइरहेका आक्रमणहरूका कारण वार्ता रोकेको इरानले बताएको थियो। तर, ट्रम्पको सल्लाहपछि इजरायलले लेबनानमाथिको आक्रमण रोक्ने कुरा जनाएको थियो।