काठमाडौं : कोशी प्रदेश सभाको बैठक आज (शुक्रबार) बस्दै छ। दिउँसो १ बजे बस्ने बैठकका सम्भावित ३ वटा कार्यसूची तय भएका छन्। शुक्रबारको बैठकमा प्रदेश सभाका निवर्तमान सभामुख बाबुराम गौतमले राजीनामा दिएको पत्रको बारेमा जानकारी गराइने पहिलो सम्भावित कार्यसूची छ। यस्तै, प्रदेश प्रमुखको कार्यालयबाट प्राप्त मुख्यमन्त्रीको नियुक्ति र मन्त्रिपरिषद् गठनसम्बन्धी पत्र वाचन गर्ने अर्को कार्यसूची छ।
यस्तै, प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको अध्यादेश र आर्थिक वर्ष २०८०/०८१ को सेवा र कार्यका लागि प्रदेश सञ्चित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको अध्यादेश स्वीकृत गर्नर् सम्बन्धमा परेको सूचनामा भइ अध्यादेशका सम्बन्धीमा निर्णय हुने अर्को कार्यसूची रहेको छ। प्रदेश सभाको पछिल्लो बैठक असार १५ गते बसेको थियो।
