काठमाडौँ : बलिउड अभिनेता रणवीर कपुरलगायतका कलाकार र सङ्गीतकारले नेपाली गायिका मेनुका पौडेलको उच्च प्रशंसा गरेका छन् । पछिल्लो समय इन्डियन आइडलमा सहभागी भई आफ्नो प्रस्तुति दिइरहनुभएकी पौडेलको बिहीबारको प्रस्तुति हेरेपछि कपुरले उनलाई ‘सङ्गीतकी देवी’ भन्दै खुट्टा छुएर प्रशंसा गरेका थिए ।
आफ्नो चलचित्र ‘एनिमल’ को प्रचारको क्रममा कपुर र अभिनेतृ रश्मिका मन्दन्ना इन्डियन आइडलको सोमा पुगेका थिए । मेनुकाले रणवीरको चलचित्र ‘तमासा’ को गीत ‘अगर तुम साथ हो’ गाएका थिए । गीतपछि भावुक बनेका रणवीर र रश्मिकाले स्टेजमा गएर मेनुकाप्रति सम्मान दर्साएका हो ।
दृष्टिविहीन मेनुकालाई उनले भने, “मेनुकाजी मेरो नाम रणवीर हो । म तपाईंबाट आशीर्वाद लिन चाहन्छु । हामी श्रेयाजीलाई देवी भन्छौँ । देवी नम्बर २ हाम्रो साथमा साक्षात् रूपमा उपस्थित हुनुहुन्छ ।’’
यो खबर पढेर तपाईलाई कस्तो महसुस भयो
+1
1
+1
1
+1
+1
1
+1
1
+1
