हेटौंडा : मकवानपुरको मनहरी गाउँपालिका-८ सिमपानीस्थित जङ्गली हात्तीको आक्रमणबाट स्थानीय बासिन्दाको घर र गोठमा क्षति पुगेको छ।
आइतबार राति ८:३० बजेतिर जङ्गली हात्ती आई टल्के चेपाङको जस्ता र ढुङ्गा माटोले बनेको एकतले घर पूर्णरूपमा क्षति पुर्याएको छ । यता रामबहादुर तामाङको गोठ आंशिकरूपमा क्षति पुगेको छ।
घटनाबारे जानकारी पाउनासाथ प्रहरी, पर्सा राष्ट्रिय निकुञ्जको टोली र नेपाली सेनाको टोली तत्काल खटिएका थिए। स्थानीयको सहयोगमा हात्तीलाई जङ्गलतर्फ लखेटिएको र कुनै पनि मानवीय क्षति नभएको जिल्ला प्रहरी कार्यालय मकवानपुरले जनाएको छ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
