रुपन्देही : प्यूठानको स्वर्गद्वारी नगरपालिका ५ आँपडाडाँमा जीप दुर्घटना हुँदा एक जनाको मृत्यु भएको छ भने ५ जना घाइते भएका छन् । मृत्यु हुनेमा स्वर्गद्वारी ५ डाडाँगाउँकी ६८ वर्षीय झमी घर्तिमगर रहेको जिल्ला प्रहरी कार्यालय प्युठानका सूचना अधिकारी हुमानन्द खनालले जानकारी दिए ।
खनालका अनुसार दुर्घटनामा परेर घाइते भएका आँपडाँडा बस्ने वर्ष ५६ कि चुराकुमारी घर्तीमगर, बर्ष ४० कि अमि घर्तीमगर र रोल्पाको सुनिल स्मृति गाउंपालिका (४ बस्ने बर्ष २४ को टोपबहादुर रोका मगरलाई थप उपचारको लागि भैरहवा रिफर गरिएको छ । जीप चालक डाँडागाउँ बस्ने बर्ष ३४ को कबिराज घर्ती मगर र सोही ठाउँ निवासी वर्ष ५५ कि कृष्ण घर्ती मगरको अवस्था मध्यम रहेकाले स्थानीय अस्पतालमा उपचार भइरहेको प्रहरीले जनाएको हो ।
बिहीबार आपधारादेखि सारीतिर जाँदै गरेको लु २ च ६१ नं डबल क्याप जिप अनियन्त्रित भई सडकबाट २० मिटर तल खोल्सामा खसेर दुर्घटना भएको थियो ।
