बेसीसहर : रूस-युक्रेन युद्वमा लमजुङको दूधपोखरी गाउँपालिका-१ घामरचोकका ३२ वर्षीय साजन गुरुङको मृत्यु भएको हो।
गत असोज २ गते उनी रूस गएका थिए। ‘हामीलाई त रूसी सेनामा गएको नि थाहा थिएन। माल्टामा छु भन्थ्यो,’ मृतकका बुबा श्रीमान गुरूङले भने, ‘अस्ती रूस-युक्रेन युद्वमा बित्यो भनेपछि झसङ्ग भयौं।’ साजनले पुसको १६ गते श्रीमती सीतालाई भिडियो कल गरेका थिए। ‘राति ८ बजेतिर फोन आएको रैछ। बुबाको मुख हेर्छु भनेछ, बुहारीले फोन दिएको २ सेकेन्डमै फोन काटियो। न छोराले देख्न पायो, न मैले,’ बुबा श्रीमानले भने।
गुरुङ दूधपोखरी गाउँपालिकाका वाइसीएल अध्यक्षसमेत बनेका थिए। उनको घरमा बुबा, आमा, श्रीमती र ५ वर्षका छोरा छन्।
यो खबर पढेर तपाईलाई कस्तो महसुस भयो
+1
+1
+1
+1
+1
+1
