हेटौंडा : मकवानपुरस्थित हेटौंडा–भैँसे सडकखण्डको भीमफेदी–१ खोप्लाङमा टिपर दुर्घटना भएको छ। सोमबार बिहान टिपर दुर्घटना हुँदा चालक च्यापिएका छन्। उनको उद्धार प्रयास भइरहेको जिल्ला प्रहरी कार्यालय मकवानपुरले जनाएको छ।
रिद्धिसिद्धि सिमेन्टका लागि खानीबाट ढुङ्गा लिएर आउँदै गरेको ना ८ ख ८९१० नम्बरको टिपर अनियन्त्रित भई सडकबाट अन्दाजी २० मिटर तल खसेको थियो।
टिपर चालक हटौंडा उपमहानगरपालिका– १५ भोर्लेका ४३ वर्षीय वीरबहादुर वाइबा च्यापिएका छन्। उनको उद्धार प्रयास भइरहेको जिल्ला प्रहरी कार्यालय मकवानपुरका प्रवक्ता डीएसपी लक्ष्मी भण्डारीले जानकारी दिए।
यो खबर पढेर तपाईलाई कस्तो महसुस भयो
+1
+1
+1
+1
+1
+1
