काठमाडौँ : गण्डकी प्रदेशका प्रदेशसभा सदस्य फणीन्द्र देवकोटालाई कारबाही नगर्न अदालतले आदेश दिएको छ ।
फ्लोर क्रस गरेर मुख्यमन्त्री सुरेन्द्रराज पाण्डेलाई विश्वासको मत दिएपछि उनलाई नेकपा माओवादी केन्द्रले कारबाही गरेको थियो । तर, न्यायाधीश प्रकाशमान सिंह राउतको इजलासले देवकोटाको पक्षमा अन्तरिम आदेश जारी गरेको छ ।
अदालतले देवकोटामाथि माओवादी केन्द्रले कारबाही गर्न नसक्ने सुनाउँदै सभामुखको निर्णय तथा कारबाहीको सूचना कार्यान्वयन नगर्न आदेश दिएको हो । सांसद देवकोटा बाबुराम भट्टराई नेतृत्वको नेपाल समाजवादी पार्टीका सांसद हुन् । यद्यपि उनले माओवादी केन्द्रको चुनाव चिन्ह लिएर चुनाव लडेका थिए ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
