काठमाडौं : राप्रपा नेपालका अध्यक्ष कमल थापाले नेपाल र नेपालीको अस्तित्व रक्षाको लागि राजसंस्थाको महत्त्वपूर्ण योगदान रहेको भन्दै अभिभावकको रुपमा सहमति मै राजसंस्था राख्न आग्रह गरेका छन्।
राप्रपा नेपाल काठमाडौं-८ क्षेत्रीय समितिद्वारा आयोजित प्रशिक्षण कार्यक्रममा बोल्दै थापाले धर्म,संस्कृति, मूल्य, मान्यता मासेर देश बिकास नहुने भएकोले सनातन धर्मको संरक्षण गर्दै हिन्दुराष्ट्र बनाउनु पर्नेमा जोड दिए।
युबाहरुको भबिष्य बर्बाद गर्ने अहिलेको ब्यबस्थाले भ्रष्टाचार र कुशासनलाई सस्थागत गरेको समेत आरोप लगाए। भ्रष्ट तन्त्र र ब्यबस्था धेरै लामो समय नटिक्ने समेत बताए।
कुशासन भ्रष्टाचार गरेर देशलाई बर्बाद गर्ने भ्रष्ट ब्यबस्था र शासकको अन्त्यको लागि नेपाली जनता जुर्मुराउनु पर्ने समय आएको भन्दै थापाले बलियो राष्ट्रबादी, प्रजातन्त्रबादी, हिन्दुबादी, राजसंस्थाबादि शक्ति बनाउने हो भने राप्रपा नेपाल बलियो बनाउन सबैले सहयोग गर्नुपर्ने आबश्यकता औल्याए। कार्यक्रममा डाक्टर बिष्णु भण्डारी, राजाराम बर्तौला, प्रदिप कार्की,उज्वल पोखरेल लगायतले बोलेका थिए।
