काठमाडौँ : सेयर कारोबार मापक नेप्से परिसूचक ५७.०३ अंकले घटेको छ । आइतबार १.८८ प्रतिशतले घटेको नेप्से आज २.१६ प्रतिशतले घटेको हो । नेप्से २५८०.७६ विन्दुमा ओर्लेको छ ।
गत साताको अन्तिम दिन बिहीबार ७८.३१ अंकले बढेको नेप्से फेरी लगातार घट्न थालेको छ । यसअघि ६ कारोबार दिन लगातार घटेको थियो । कुल १४ कम्पनीको मूल्य बढ्यो भने २२७ कम्पनीको मूल्य घट्यो । ३ कम्पनीको मूल्य स्थिर रह्यो ।
आज १ करोड ७० लाख ६१ हजार ८०७ कित्ता सेयर किनबेच भए । ९२ हजार ८१५ पटकको सेयर किनबेचबाट ७ अर्ब ३६ करोड १९ लाख ८८ हजार रुपैयाँको कारोबार भएको छ । आज पनि सबै उपसमूहहरु घटे । फाइनान्स ५.६६, होटल तथा पर्यटन २.७९ व्यापार २.७६ र विकास बैंक २.७२ प्रतिशतले घटे ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
