काठमाडौं : प्रयागराजमा चलिरहेको महाकुम्भमा महाशिवरात्रिको अवसरमा पवित्र स्नान गर्न लाखौं भक्तजनहरू भेला भएका छन्।महाशिवरात्रि स्नानसँगै कुम्भमेलाको समापन हुनेछ। भीडभाडलाई ध्यानमा राख्दै मेला क्षेत्रलाई ‘नो भेहिकल जोन’ घोषणा गरिएको छ।
महाकुम्भका एसएसपी राजेश द्विवेदीले भनेका छन्, “कोही पनि यो अवसर गुमाउन चाहँदैनन्। प्रयागराजका स्थानीय बासिन्दाहरू पनि ठूलो संख्यामा स्नान गर्न आउँदैछन्। त्यसैले हामी रातदेखि नै भक्तजनहरूको ठूलो भीड देखिरहेका छौं।”
उनले भने, “महाकुम्भमा अहिलेसम्म ६५ करोडभन्दा बढी भक्तजनले स्नान गरिसकेका छन्। भीडलाई ध्यानमा राख्दै प्रशासन पूर्ण रूपमा तयार छ।” उत्तर प्रदेशका मुख्यमन्त्री योगी आदित्यनाथले सामाजिक सञ्जालमा पोस्ट गर्दै भक्तजनहरूलाई शुभकामना दिएका छन्।
मुख्यमन्त्री योगीले भनेका छन्, ‘प्रयागराजको महाकुम्भ-२०२५ मा भगवान भोलेनाथको पूजामा समर्पित महाशिवरात्रिको पवित्र स्नान पर्वमा आज त्रिवेणी संगममा आस्थाको स्नान गर्न आएका सबै पूजनीय सन्त, कल्पवासी र भक्तहरूलाई हार्दिक बधाई!’
