काठमाडौं : दक्षिण कोरियाली वायुसेनाले सैन्य अभ्यासका क्रममा एउटा लडाकु विमानले गल्तीले सर्वसाधारणमाथि आठ बम खसालेको बताएको छ। यस घटनामा सात जना घाइते भएका छन्, जसमध्ये चार जना गम्भीर घाइते छन्।
दक्षिण कोरियाली वायुसेनाको केएफ-१६ विमानसँग सम्बन्धित घटना स्थानीय समय अनुसार बिहान १०:०४ बजे उत्तर कोरियाली सीमा नजिकै रहेको पोचियोन शहरमा भएको थियो। दुर्घटनावश खसेका आठवटा बममध्ये एउटा मात्र बम विस्फोट भएको विश्वास गरिन्छ।
पोचियोनका अधिकारीहरूले बीबीसीलाई बताएअनुसार बम डिस्पोजल टोलीले अन्य सात बमलाई सुरक्षित रूपमा निष्क्रिय पार्न काम गरिरहेको छ। उनीहरूले आसपासका बासिन्दाहरूलाई सुरक्षित स्थानमा सारिएको पनि जानकारी दिए। स्थानीय सञ्चारमाध्यमका अनुसार घटनामा दुई जनाको घाँटी र काँध भाँचिएको छ।
यो खबर पढेर तपाईलाई कस्तो महसुस भयो
+1
+1
+1
1
+1
+1
1
+1
