काठमाडौं : राजावादी आन्दोलनका क्रममा कोटेश्वरस्थित भाट भटेनी सुपर मार्केटमा लुटपाट चल्दा कर्तव्य पालना गरेका सुरक्षा गार्डको ५ ग्रेड बढुवा गरिएको छ। कर्तव्य निर्वाह गरेको भनी उनलाई पुरस्कार नगद ५ लाख रुपैयाँ पनि दिइएको छ।
चैत्र १५ गते भएको राजावादी आन्दोलनका क्रममा भएको लुटपाटको क्रममा साहसिक सम्मान गर्ने सुरक्षा गार्ड डोरप्रसाद पराजुली लगायत सुरक्षा गार्ड र कर्मचारीलाई भाट भेटनी सुपर मार्केटले सम्मान गरेको हो। भाटभटेनीका मालिक मीनबहादुर गुरुङले उनलाई दुबोको माला लगाइदिएर सम्मान गरे।
त्यस्तै अन्य गार्ड र कर्मचारीहरुलाई २५ हजार नगद र एक ग्रेड प्रमोसन गरेको छ। सुरक्षा गार्ड सूर्य गिरी, दीपेश खड्का, सोमबहादुर भुजेललाई २५ हजार १ रुपैयाँ र एक ग्रेड बढुवा गरिएको छ।
सुपरमार्केटमा तोडफोड तथा लुटपाट गरिरहेको समयमा कर्तव्य निर्वाह गर्दै अग्रपंक्तिमा खटिएका कर्मचारी तथा व्यापारलाई निरन्तरता दिन रातभर मर्मत सम्भारमा लाग्न खटिएका कर्मचारीलाई सुपरमार्केटले सम्मान गरेको हो।
