काठमाडौं : नागरिक उन्मुक्ति पार्टीका संस्थापक रेशम चौधरीले टिकापुर घटनामा आफू घटनास्थलमा नभएको दोहोर्याउँदै मान्छे मारेको स्वीकार गर्नेहरूलाई कुनै कारबाही नभएको टिप्पणी गरेका छन् ।
शनिबार काठमाडौंमा आयोजित दलित, पिछडावर्ग, थारु, आदिवासी र अल्पसङ्ख्यकहरूको राष्ट्रिय भेलामा बोल्दै उनले यस्तो बताए । चौधरीले आफूलाई टिकापुर हत्याकाण्डको आरोपमा गाली गर्ने गरिएको बताउँदै भने, ‘हामीले कसैलाई मारेनौँ, तर हामीलाई हत्यारा भनिन्छ । मान्छे मारेको स्वीकार गर्नेहरू भने सरकारमा छन्, उनीहरूलाई केही गरिएको छैन ।
यो देशमा न्याय मरेको छ ।’ उनले थपे, ‘विद्रोह गर्नुपर्छ भन्छन्, तर कसका लागि र किन रु कसलाई मार्न विद्रोह गर्ने ?’ उनले सामाजिक सञ्जालमा आफूमाथि हुने गाली र टिकापुर घटनाको हत्याराको आरोपले दुखित भएको बताए ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
