काठमाडौँ : सेयर बजारमा कारोबार गर्दा कारोबारअघि खातामा पैसा जम्मा गर्ने व्यवस्था गरिने भएको छ । नेपाल धितोपत्र बोर्डले ल्याएको आर्थिक वर्ष २०८२/८३ को कार्यक्रम सार्वजनिक गर्दै यस्तो व्यवस्था गर्ने जनाएको हो ।

अहिले सेयर कारोबार गर्दा कारोबार रकमको २५ प्रतिशत अग्रिम रूपमा जम्मा गर्नुपर्ने व्यवस्था छ । तर, अहिले यसबापतको चेक दिएर पनि कारोबार गरिँदै आएको थियो । त्यसरी रकम जम्मा भएपछि शतप्रतिशत कारोबार गर्न सकिने र कारोबार गरिएको रकमको भुक्तानी नै नहुँदै कारोबार राफसाफ हुँदै आएको थियो ।

अब भने सुरुमा रकम भुक्तानी भएपछि मात्रै शेयर कारोबार हुने व्यवस्था गर्न लागिएको हो । बोर्डले ल्याएको नीतिमा भनिएको छ, ‘दोस्रो बजारबाट धितोपत्र खरिद गर्दा खरिदकर्ताको बैंक खातामा रकम भए पश्चात् मात्र कारोबार हुने व्यवस्था गर्ने कार्य अगाडि बढाउने ।’