काठमाडौं : मौसमविद अबको केहि दिनमा भीषण बर्षाको अनुमान गरेका छन् ।
त्रिभुवन विश्वविद्यालयको जल तथा मौसम विज्ञान विषयका सहप्राध्यापक डा. विनोद पोखरेलले अब ‘भारी’ वर्षाको सम्भावना रहेको जानकारी दिएका हुन् । उनले असोज १७ देखि २१ सम्म अर्थात अक्टोबर ३ देखि ७ सम्म भारी वर्षा हुन सक्ने बताएका छन् ।
डा. पोखरेलले सामाजिक सञ्जालमा भनेका छन्,फोरकास्ट (मौसम पूर्वानुमान) नमिलोस् भनेर अझै कामना गरौँ, तर, पोहोर सालको असोजको जस्तै भीषण पानी पर्ने सम्भावना धेरै छ । अहिले तीन मोडेलले उक्त अवधिमा भारी वर्षा हुने देखाएको छ ।
भोलिदेखि वर्षा हल्का मध्यम हुँदै बिहीबार रातिदेखि पूर्वी नेपालमा भारी वर्षा सुरु हुने देखिन्छ । यात्रा गर्दा ध्यान दिनुहोला, भारी वर्षा लगभग ३-४ दिन सम्म हुने देखिएकोले कृषकहरूलाई बेलैमा जानकारी गरिदिनु होला ।
यो खबर पढेर तपाईलाई कस्तो महसुस भयो
+1
+1
+1
+1
+1
+1
