‘इजरायल पुगेका नेपाली विद्यार्थी विपिन जोशीको निधनको खबरले म अत्यन्त मर्माहत भएको छु । हमासको कब्जामा रहेका जोशीको रिहाइका लागि अथक प्रयास गरेको तर अकस्मात् जोशीको निधनको खबरले स्तब्ध भएको छु’, राष्ट्रपति पौडेलले सामाजिक सञ्जाल एक्समा लेखेका छन्, ‘जोशीप्रति हार्दिक श्रद्धाञ्जली । शोकाकुल परिवारजन र शुभेच्छुकप्रति हार्दिक समवेदना ।’

हमासको कब्जामा रहेका विपिनको शव सोमबार इजरायललाई बुझाइएको थियो । इजरायलमा मंगलबार भएको परीक्षणमा उक्त शव विपिनकै रहेको पुष्टि भइसकेको छ ।