काठमाडौँ : प्रहरीले त्रिभुवन अन्तर्राष्ट्रिय विमानस्थलबाट ३१ लाख ५१ हजार नेपाली र विदेशी मुद्रासहित दुई जनालाई पक्राउ गरेको छ।काठमाडौँबाट मलेसियाको क्वालालम्पुर जाँदै गरेका दुई जनालाई नगदसहित पक्राउ गरिएको विमानस्थल सुरक्षा कार्यालयका एसपी राजकुमार सिलवालले  बताए।

पक्राउ पर्नेमा मोहम्मद इन्ताज अली र एमडी जाकिर हुसेन छन् । उनीहरूको साथबाट प्रहरीले नेपाली रुपैयाँ, अमेरिकी डलर र मलेसियन रिङ्गिट बरामद गरेको छ। एक जनाले सुटकेश भित्र फल्स बटम बनाएर तथा अर्का आरोपीले ल्यापटप ब्यागमा लुकाएर सो रकम मलेसियातर्फ लैजाँदै गरेको अवस्थामा पक्राउ परेका हुन्।