काठमाडौं : लोकसेवाको शाखा अधिकृत परीक्षामा रामेछापकी ज्योती घिमिरे देशकै सर्वोत्कृष्ट भएकी छिन् ।
गोकुलगङ्गा गाउँपालिका–४ निवासी घिमिरेले खुला तथा समावेशी प्रतिस्पर्धामा सर्वोत्कृष्ट अङ्क ल्याउँदै १ नम्बरमा नाम निकाल्न सफल भएकी हुन्।
निरन्तरको मेहनत, लगनशीलता र कठोर परिश्रमका कारण प्राप्त यस ऐतिहासिक सफलताले रामेछाप जिल्लाको नाम उच्च राख्नुका साथै लोकसेवा तयारी गरिरहेका हजारौँ युवाहरूका लागि प्रेरणाको स्रोत बनेको छ।
नेपाल प्रशासन सेवा, संघीय संसद् सेवा तथा प्रशासनअन्तर्गत सामान्य प्रशासन र राजस्व समूहमा माग गरिएका ९३ पदका लागि यस वर्ष शाखा अधिकृतको परीक्षा सञ्चालन भएको थियो । उक्त प्रतिस्पर्धामा हजारौँ परीक्षार्थी सहभागी भएका थिए ।लिखित परीक्षाबाट अन्तर्वार्ताका लागि १२६ जना छनोट भएका थिए । ती प्रतिस्पर्धीमध्येबाट घिमिरे पहिलो नम्बरमा सिफारिस हुन सफल भएकी हुन् । उनको यो सफलता सामान्य प्रशासन क्षेत्रमा प्रवेश गर्न चाहने हजारौँ युवाका लागि प्रेरणाको विषय बनेको छ ।
यो खबर पढेर तपाईलाई कस्तो महसुस भयो
+1
+1
1
+1
+1
1
+1
1
+1
