रौतहट : पूर्व पश्चिम लोकमार्गमा सोमबार दुई सवारी साधन ठोक्किँदा रौतहटमा दुई जनाको मृत्यु भएको छ। मृत्यु हुनेमा सुनसरी जिल्लाको धरान उमहानगरपालिका १५ का ३३ वर्षीय तुलसी ओझा र मोरङ जिल्लाको सुन्दरहरैचा नगरपालिका ११ का विवश सापकोटा रहेको प्रहरीले जनाएको छ।
रौतहटको चन्द्रपुर नगरपालिका ४ स्थित राजमार्गको धनसर पुलनजिक पश्चिमबाट पूर्वतर्फ गइरहेको टाटा सुमो र पूर्वबाट पश्चिमतर्फ गइरहेको मोटरसाइकल एक आपसमा ठोक्किएका थिए। दुई सवारी साधन एकापसमा ठोक्किँदा मृत्यु हुनेमा दुवै जना मोटरसाइकलमा सबार रहेको इलाका प्रहरी कार्यालय चन्द्रनिगाहपुरले जनाएको छ।
बागमती प्रदेश ०३–००१ च ५३१ नम्बरको यात्रुवाहक टाटा सुमो र प्रदेश १–०२–०४३ प ८०२५ नम्बरको मोटरसाइकल एकापसमा ठोक्किएका हुन्। घटनामा मृत्यु भएका दुवै जनाको शवलाई पोस्टमार्टमको लागि चन्द्रनिगाहपुर अस्पतालमा पु¥याइएको छ। पोस्टमार्टमपछि परिवारजनलाई बुझाइने इलाका प्रहरी कार्यालय चन्द्रनिगाहपुरका प्रमुख डिएसपी राजकुमार राईले जनाएका छन्। घटनाबारे अनुसन्धान भइरहेको प्रहरीको भनाइ छ।
घटना लगत्तै टाटा सुमोलाई नियन्त्रणमा लिइएको प्रहरीले जनाएको छ।
