काठमाडौं : सुदिप अधिकारी र शान्तीश्री परियारको स्वरमा लोक दोहोरी गीत ‘केही भनेकै छैन’ सार्वजनिक भएको छ।
सुदिप अधिकारी अफिसियल युट्युबमार्फत यो गीत सार्वजनिक गरिएको हो। सार्वजनिक गीतमा सुदीप अधिकारीको शब्द तथा संगीत छ। कमल सौरागले संगीत संयोजन रहेको गीतमा कुमार राना मगरको मिक्सिङ तथा मास्टरिङ गरेका छन्। खुमन राना र सुमन रानाले गीत रेकर्डिङ गरेका छन्।
गीतको भिडिओमा ओवी रायमाझी र जुना विश्वकर्माको अभिनय छ। सुदीप बरालको छायांकन रहेको गीतको भिडिओलाई मनोज कार्मीले सम्पादन गरेका छन्। गाउँले परिवेशमा खिचिएको भिडियोमा ग्रामीण जनजीवन समेटिएको छ। लेकबेसी, गोठालो, र पानी पँधेरो गर्दा युवा युवतीबीच बसेको प्रेम वरिपरि कथा घुमेको छ।
गीतमा प्रेममा रहेको जोडीको प्रेमिल कल्पना, प्रेमिकालाई छोडेर टाढा जानु पर्दाको पीडा र त्यसक्रममा हुने युवायुवतीको संवाद गीतमा सुन्न र देख्न सकिन्छ।
