काठमाडौँ : रन्धिर श्रेष्ठको लेखन तथा निर्देशन रहेको फिल्म ‘कुम्भ’ आगामी जेठ १५ गतेदेखि प्रदर्शनमा आउने भएको छ । लामो समयदेखि म्युजिक भिडियो निर्देशन तथा फिल्म छायांकनमा सक्रिय श्रेष्ठले यस फिल्म मार्फत निर्देशनमा डेब्यु गरेका हुन् ।
एक्सन–लभ स्टोरी फिल्म ए रस प्रोडक्सनको ब्यानरमा निर्माण भएको हो । नेपाली र हिन्दी दुवै भाषामा रिलिज गरिने बताइएको फिल्ममा अशोक आर्यन, वरिष्ठ कलाकारहरू सुनिल थापा र सुशील पोखरेलका साथै रोहित रुम्बा, अफ्सना थापा र सृष्टि खड्काको मुख्य भूमिका छ। फिल्ममा दक्षिण भारतीय कलाकार सुरेन्द्र ठाकुरको समेत अभिनय छ।
नेपाल र दक्षिण भारतमा छायांकन गरिएको फिल्ममा साउथ इन्डियाका थुप्रै कलाकारको अभिनय छ । फिल्मको छायांकन निर्देशक श्रेष्ठ स्वयंले गरेका हुन् । द्वन्द्व निर्देशन संजय थापाले गरेका छन् भने निर्माणमा रन्धिर श्रेष्ठ र राजेश साह संलग्न छन् ।
